💛【比想像中有驚喜嘅即包沖繩飯堡！】$28起抵食！
-
呢間小店主打沖繩飯堡，仲要即叫即整，唔係整定先，所以出品比較新鮮，食嘅時候外面層紫菜仲係脆嘅～飯堡款式係冇得輸，6款包括特厚雞扒、厚燒鰻魚玉子、餐肉玉子、肉汁漢堡、炙燒蟹柳蟹籽、吞拿魚蛋沙律等等，淨係聽到個名同睇吓相都覺得好食 ！兩間分店舖頭都唔大，價錢都升親民㗎有幾款basic口味都係$28就可以食到！
-
《特厚雞扒飯堡 $42》嘅雞扒好厚肉好大件，仲好多照燒汁，肉質嫩滑啖啖肉，配埋壽司飯、沙律醬、醬汁、生菜、番茄片、熱辣辣芝士，一啖食到幾款唔同味道，口感都好豐富，本身以為係普通飯點知幾有驚喜！建議+$12跟餐，一次過食到哂中華沙律+螺肉+冷泡茶/特飲真係超級抵，小食同野飲味道都錯，沖繩紫薯牛奶搖勻後味道濃郁，個樽都幾靚幾實淨，物超所值！
-
雪瀛手作
地址：北角城市中心地下83號舖(星期一至日 11:30-19:30)電話：57401085/
西灣河太康街1號麗灣大廈地下K5舖(星期一至五 11:00-20:00;六、日 11:00-20:30)電話：96820882
Search